இலங்கைக்கும் பெலாரஸுக்கும் இடையில் 7 ஒப்பந்தங்கள் கைச்சாத்து!

இலங்கைக்கும்  பெலாரஸுக்கும் இடையில் 7 ஒப்பந்தங்கள் கைச்சாத்து!

இலங்கைக்கும் பெலாரஸுக்குமிடையில் நேற்று (26) ஏழு  உடன்படிக்கைகள் கைச்சாத்திடப்பட்டன.

மூன்று நாள் உத்தியோகபூர்வ விஜயத்தை மேற்கொண்டு பெலாரஸ் சென்றுள்ள ஜனாதிபதி மஹிந்த ராஜபக்ஷ மற்றும் பெலாரஸ் ஜனாதிபதி அலெக்சாண்டர் லுகன்ஷன்கோ ஆகியோர் முன்னிலையில் இந்த ஒப்பந்தங்கள் கைச்சாத்திடப்பட்டன.

வர்த்தக மற்றும் பொருளாதார ஒத்துழைப்பு தொடர்பான உடன்படிக்கை- இராஜதந்திர மற்றும் உத்தியோகபூர்வ விமான பயணச் சீட்டுடையவர்களை விசாக்களிலிருந்து விடுவித்தல்- குற்றவியல் தொடர்பான விடயங்களின்போது பரஸ்பர சட்ட ஒத்துழைப்பு தொடர்பான சாசனம்- சட்டம் தொடர்பான புரிந்துணர்வு உடன்படிக்கை- இரு நாடுகளுக்குமிடையிலான இரட்டை வரிவிதிப்பை தடுக்கும் உடன்படிக்கை- சுற்றுலாத்துறையின் ஒத்துழைப்பு தொடர்பான உடன்படிக்கை மற்றும் இராணுவ துறையில் தொழில்நுட்ப ஒத்துழைப்பு தொடர்பான உடன்படிக்கைகளே கைச்சாத்திடப்பட்டன.

-எம்.ஜே.எம். தாஜுதீன்