Negombo Info (Twitter:@NegomboInfo)

Saturday, June 14, 2014

'ஸ்கை டைவ்' அடித்தார் ஜோர்ஜ் புஷ்!

அமெரிக்க முன்னாள் அதிபர் ஜோர்ஜ் டபிள்யூ.புஷ் இன்னும் உற்சாகமாகவே இருக்கிறார். தனது 90ஆவது பிறந்தநாளை, ஸ்கை டைவ் அடித்து உற்சாகமாக கொண்டாடினார்.

ஹெலிகாப்டரில் இருந்து குதித்த புஷ், வானில் மிதந்தவாறு தனது பிறந்தநாளை கோலாகலமாக கொண்டாடினார்.

அமெரிக்காவின் கென்னிபன்க்போர்ட் விமானப்படை தளத்தில், முன்னாள் ராணுவ வீரர்களின் இந்த சாகசச் செயலுக்கு உதவி புரிந்தனர்.

-எம்.ஜே.எம். தாஜுதீன்

பெரியகல்லாறில் திவிநெகும வங்கி திறந்துவைப்பு!

மட்டக்களப்பு மாவட்டத்தின் களுவாஞ்சிகுடி பிரதேச செயலாளர் பிரிவுக்குட்பட்ட பெரியகல்லாறில் அமைக்கப்பட்ட திவிநெகும வங்கி நேற்று (13) திறந்துவைக்கப்பட்டது.

களுவாஞ்சிகுடி பிரதேச செயலாளர் கலாநிதி எம்.கோபாலரட்னம் தலைமையில் நடைபெற்ற இந்த நிகழ்வில் களுவாஞ்சிகுடி பிரதேச அபிவிருத்தி குழு தலைவரும் மீள்குடியேற்ற பிரதியமைச்சருமான விநாயகமூர்த்தி முரளிதரன் பிரதம அதிதியாக கலந்துகொண்டார்.

இந்த நிகழ்வில் மாவட்ட அரசாங்க அதிபரும் மாவட்டச் செயலாளருமான திருமதி பி.எஸ்.எம்.சார்ள்ஸ், மாவட்ட சமுர்த்தி திணைக்கள உதவி பணிப்பாளர் குணரெட்னம்இமீள்குடியேற்ற பிரதியமைச்சரின் இணைப்புச்செயலாளர் பொன்.ரவீந்திரன் உட்பட பலர் கலந்துகொண்டனர்.

கிராம மட்டத்தில் மக்களின் வாழ்வாதாரத்தினையும் வாழ்க்கை தரத்தினையும் உயர்த்தும் வகையில் திவிநெகு திணைக்களம் ஊடாக பல்வேறு நடவடிக்கைகள் முன்னெடுக்கப்பட்டுவருகின்றன.

இதன் கீழ் திவிநெகும வங்கிகள் ஊடாக இலகுகடன்களை வழங்குவதன் மூலம் வறுமை அற்ற இலங்கையினை கட்டியெழுப்பும் மகிந்த சிந்தனை வேலைத்திட்டத்தின் குறிக்கோள் அடையப்படும்.

இந்த சமூர்த்தி வங்கி மூலம் கோட்டைக்கல்லாறு, பெரியகல்லாறு, துறைநீலாவனை ஆகிய பகுதிகளைச்சேர்ந்த சுமார் 2500 குடும்பங்கள் நன்மையடையவுள்ளதாக களுவாஞ்சிகுடி பிரதேச அபிவிருத்தி குழு தலைவரும் மீள்குடியேற்ற பிரதியமைச்சருமான விநாயகமூர்த்தி முரளிதரன் தெரிவித்தார்.

பொருளாதார அபிவிருத்தி அமைச்சின் 25 இலட்சம் ரூபா நிதியொதுக்கீட்டின் கீழ் இந்த வங்கி அமைக்கப்பட்டுள்ளது.

-எம்.ஜே.எம். தாஜுதீன்

ஜனாதிபதிக்கு செங்கம்பள வரவேற்பு!

ஜி77 நாடுகளின் 50ஆவது அரச தலைவர்களது மாநாட்டில் கலந்துகொள்வதற்காக பொலிவியா சென்றடைந்த ஜனாதிபதி மஹிந்த ராஜபக்ஷவுக்கு பொலிவியாவின் விரு விரு சர்வதேச விமான நிலையத்தில் பெரும் வரவேற்பளிக்கப்பட்டது.

பொலிவியா செனட் தலைவர் யூஜின் ரொஜாஸ் ஜனாதிபதியை வரவேற்றார். ஜனாதிபதிக்கு விமான நிலையத்தில் செங்கம்பள வரவேற்பும் இராணுவ அணிவகுப்பு மரியாதையும் வழங்கப்பட்டது.

ஐக்கிய நாடுகள் அமைப்பின் அபிவிருத்தி அடைந்துவரும் நாடுகள் ஒன்றுணைந்து ஜி77 அரச தலைவர்களது மாநாட்டை பொலிவியாவில் நடத்துகின்றன.

இன்றும் நாளையும் இடம்பெறவுள்ள இம்மாநாட்டில்

இந்தியா, சீனா உள்ளிட்ட 133 நாடுகளின் அரச தலைவர்கள் பங்குகொள்கின்றனர்.

இம்மாநாட்டில் நாளை ஜனாதிபதி உரையாற்ற உள்ளதாக ஜனாதிபதியின் ஊடக பிரிவு தெரிவித்துள்ளது.

ஜனாதிபதி மகிந்தராஜபக்ஷவுக்கும், ஐக்கிய நாடுகளின் பொது செயலாளர் பான் கீ மூனுக்கும் இந்த மாநாட்டில் வைத்து பொலிவியாவின் உயர் அரச விருது ஒன்று வழங்கப்படவுள்ளது.

சமாதானத்துக்கும், ஜனநாயகத்துக்கும் வழங்கிய பங்களிப்புக்காக இந்த விருது வழங்கப்படவுள்ளதாக அறிவிக்கப்பட்டுள்ளது.

-எம்.ஜே.எம். தாஜுதீன்

Monday, April 14, 2014

சட்டவிரோதமான முறையில் கடல்வாழ் உயிரினங்களை எடுத்துச் சென்ற ஐந்து சீன பிரசைகள் கைது!

இலங்கை::சட்டவிரோதமான முறையில் கடல்வாழ் உயிரினங்களை எடுத்துச் சென்ற ஐந்து சீன பிரசைகள், கொள்ளுப்பிட்டி காவல்துறையினரால் கைது செய்யப்பட்டுள்ளனர்.

வான் மூலம் இவற்றை எடுத்துச் சென்ற வேளையில், கொள்ளுப்பிட்டியில் வீதி கடமையில் ஈடுபட்டிருந்தவர்களால் இவர்கள் கைது செய்யப்பட்டதாக காவல்துறை ஊடக பேச்சாளர் காரியாலயம் தெரிவித்துள்ளது.

குறித்த சீன பிரசைகளிடம் இருந்து உலர்த்தப்பட்ட 92 கடல் குதிரைகள், 90 கடல் அட்டைகள், 24 கடல் நத்தைகள், 70 சிப்பிகள் மற்றும் முருங்கை கல் பாறைகளின் பகுதிகள் எனபன கைப்பற்றப்பட்டதாகவும் குறிப்பிடப்பட்டுள்ளது.

சந்தேக நபர்கள் கொழும்பு கோட்டை நீதவான் நீதிமன்றில் முன்னிலைப்படுத்தப் படவுள்ளதாகவும் தெரிவிக்கப்பட்டுள்ளது.

மோடி உள்ளிட்ட இந்தியத் தலைவர்களுடன் அரசு பேச்சு!

நரேந்திர மோடி உள்ளிட்ட இந்தியாவின் எல்லா பிரதான தலைவர்கள் மற்றும் அரசியல் கட்சிகளுடன் இலங்கை அரசாங்கம் தீவிரமான பேச்சுக்களை நடத்தி வருவதாக தகவல் ஊடகத்துறை அமைச்சர் கெஹலிய ரம்புக்வெல தெரிவித்தார். இது பற்றி அமைச்சர் மேலும் கூறியதாவது-

இந்தியாவின் அடுத்த பிரதமராக வருவார் என்று நம்பப்படும் நரேந்திர மோடியுடன் இலங்கை அரசாங்கம் கலந்துரையாடல்களை நடத்திக் கொண்டிருக்கிறது.

இலங்கை விவகாரத்தில் நரேந்திரமோடி வேறுபட்ட அணுகுமுறையை கடைப்பிடிப்பார் என்று கூறப்படுகின்ற நிலையில், இலங்கை அரசாங்கம் அங்கு மாறி வரும் சூழ்நிலைகளை இலங்கை அறிந்தே வைத்துள்ளது.

நாம் நரேந்திரமோடியுடனும் பேச்சுக்களை நடத்தியுள்ளோம். இந்தியத் தேர்தலின் முன்னேற்றங்கள் குறித்து உன்னிப்பாக அவதானித்து வருகிறோம். இந்தியத் தேர்தலில் போட்டியிடும் எல்லா பிரதான கட்சிகளுடனும் நாம் தீவிரமான பேச்சுக்களை நடத்தி வருகிறோம்.

அவர்கள் எமது அயலவர்கள். அவர்களுடனான பேச்சுக்கள் தொடர்ந்து நடத்தப்படும் என்றும் அமைச்சர் தெரிவித்தார்.

-எம்.ஜே.எம். தாஜுதீன்

நடிகர் ரஜினிகாந்தை மோடி இன்று சந்தித்துப் பேசினார்!

தேர்தல் பிரச்சாரத்துக்காக சென்னை வந்த பா.ஜ.க பிரதமர் வேட்பாளர் நரேந்திர மோடி, நடிகர் ரஜினிகாந்தை சந்தித்துப் பேசினார்.

சென்னை - போயஸ் கார்டனில் உள்ள ரஜினிகாந்தின் இல்லத்தில் இன்று (13) மாலை 6.35 மணிக்கு இந்தச் சந்திப்பு நடந்தது.

இந்தச் சந்திப்பில் ரஜினியும் மோடியும் என்ன பேசினார்கள் என்ற விவரம் உடனடியாக வெளியிடப்படவில்லை.எனினும் தமிழ்ப் புத்தாண்டையொட்டி, ரஜினிக்கு மோடி வாழ்த்து தெரிவிக்க நேரில் சந்திதத்தாக பாஜகவினர் கூறினர்.

ரஜினியின் இல்லத்துக்குச் சென்று திரும்புவதற்குள், ரஜினி உடனான சந்திப்பின் புகைப்படப் பதிவு உடனடியாக மோடியின் அதிகாரப்பூர்வ ட்விட்டர் தளத்தில் வெளியிடப்பட்டது.

'ரஜினி உடன்' என்று பதிவிடப்பட்ட மோடியின் அந்த ட்வீட், சில நிமிடங்களில் ஆயிரக்கணக்கில் பகிரப்பட்டது.

-எம்.ஜே.எம். தாஜுதீன்

ஜனாதிபதிக்கு பிரதமர் வாழ்த்து!

பிரதமர் தி.மு ஜயரட்ண தமது குடும்பத்தாருடன் தங்காலையிலுள்ள ஜனாதிபதி மஹிந்த ராஜபக்ஷவின் கால்டன் இல்லத்துக்கு இன்று விஜயம் செய்து ஜனாதிபதியின் குடும்பத்தினருக்கு புத்தாண்டு வாழ்த்துக்களை கலாசார முறைப்படி தெரிவித்து கொண்டார்.

ஜனாதிபதியின் பாரியான் ஷிரந்தி ராஜபக்ஷ.மகன் நாமல் ராஜபக்ஷ ஆகியோரும் பிரதமர் குடும்பத்தினரை வரவேற்று வாழ்த்துக்களை பரஸ்பரம் பரிமாறிக்கெண்டனர்.

-எம்.ஜே.எம். தாஜுதீன்